சென்னை: சென்னையில் வணிக சிலிண்டர் விலை இன்று செப்டம்பர் மாதம் 1ஆம் தேதி முதல் ரூ 38 உயர்ந்து ரூ 1855 க்கு விற்பனையாகிறது. கடந்த மாதம் ரூ 7.50 க்கு உயர்ந்த வணிக சிலிண்டரின் விலை தற்போது 4 மடங்கிற்கு மேல் உயர்ந்துள்ளது குறிப்பிடத்தக்கது.
சர்வதேச கச்சா எண்ணெயின் விலை நிர்ணயத்திற்கு ஏற்ப இந்தியாவில் வீட்டு பயன்பாட்டு சிலிண்டர் மற்றும் வணிக பயன்பாட்டுக்கான சமையல் எரிவாயு சிலிண்டர்கள் விலையை எண்ணெய் நிறுவனங்கள் நிர்ணயித்து வருகின்றன.
அந்த வகையில் நாடு முழுவதும் 19 கிலோ எடை கொண்ட வணிக பயன்பாட்டுக்கான சிலிண்டர் விலை இன்றைய தினம் ரூ 38 உயர்ந்து ஒரு சிலிண்டரின் விலை ரூ 1855 க்கு விற்பனை செய்யப்படுகிறது. தொடர்ந்து 6 ஆவது மாதமாக வணிக பயன்பாட்டுக்கான சிலிண்டர் விலையில் மாற்றம் ஏற்பட்டுள்ளது.
எனினும் வீட்டு உபயோக சிலிண்டரின் விலையில் எந்த மாற்றமும் இல்லாமல் 14 கிலோ எடை கொண்ட ஒரு சிலிண்டர் விலை ரூ 818.50 க்கு விற்பனை செய்யப்படுகிறது. செப்டம்பர் 1 ஆம் தேதி முதல் கேஸ் சிலிண்டர் விலை உள்ளிட்ட விஷயங்களில் மாற்றம் ஏற்பட போகும் என எதிர்பார்க்கப்பட்டிருந்த நிலையில் சிலிண்டர் விலையில் மாற்றம் ஏற்பட்டுள்ளது.
