மனமா: இந்திய பாரம்பரிய கலைகளை ஊக்குவிக்கும் ஒரு முதன்மையான அமைப்பு The Indian fine Arts society.
நிர்த்திய கலாரத்னா திருமதி Hansul Gani அவர்களின் பயிற்றுவிப்பில் தனித்திறன் மிகுந்த உள்ளுர் நடனக் கலைஞர்கள், நவம்பர் நான்கு இரண்டாயிரத்து இருபத்து மூன்று அன்று Hotel ரீஜென்சி இன்டர் கான்டினென்டெல் தங்கள் திறமைகளை வெளிப்படுத்தினார்கள்.
Royal Humanitarian foundation பணிகள் குறித்த விழிப்புணர்வை ஏற்படுத்தும் வகையில், இந்த நிகழ்ச்சி நடத்தப்பட்டது.
இந்திய தூதர் மேதகு திரு.வினோத் ஜேக்கப் மற்றும் Royal Humanitarian foundation செயலாளர் நாயகம், மேதகு டாக்டர் முஸ்தபா அல் சயீத் அவர்களின் தலைமையில் இனிதே இந்நிகழ்வு அரங்கேறியது. இவர்களோடு இலங்கை தூதர் மேதகு திருமதி Wijeratne Mendis அவர்களும் கலந்து கொண்டார்கள்.
பூமியில் உள்ள உயிர்களுக்கும் நிலம்,நீர்,நெருப்பு, காற்று மற்றும் ஆகாயம் ஆகிய பஞ்சபூதங்களின் கூறுகளுக்கும் இடையிலான மாய தொடர்புகளை அழகிய நடன அசைவுகளின் வாயிலாக கூடியிருந்தோர்க்கு உணர்த்தப்பட்டது.
பிரமிக்க வைக்கும் ஆடை அலங்காரம் – பிரமாண்ட மேடை அமைப்பு மற்றும் ஈர்க்கும் இசையமைப்புடன், கலை ஆர்வலர்களுக்கு இந்நிகழ்ச்சி பெருவிருந்தாக அமைந்திருந்தது.
மேதகு டாக்டர் முஸ்தபா அல் சயீத் அவர்கள் உரையாற்றுகையில் மனித நேய அறகட்டளையின் பணிகளுக்கான விழிப்புணர்வை ஏற்படுத்த, Indian fine Arts society கலைகள் மூலாமாக, மற்றும் குழந்தைகளின் திறமைகள் மூலமாகவும் விழிப்புணர்வை முன்னெடுத்ததில் நான் மிகவும் மகிழ்ச்சியடைகிறேன், என்றும்
நாங்கள் இத்தருணம் கடினமானச் சூழலில் வாழ்ந்து கொண்டிருக்கிறோம். Gazaவின் தற்போதைய நெருக்கடிக்கு மத்தியில், இரக்கம் மற்றும் மனிதாபிமானத்தின் அவசியத்தை நாம் நம் குழந்தைகளுக்கு உணர்த்த வேண்டிய கட்டாயத்தில் இருக்கிறோம் என்று குறிப்பாக வலியுறுத்தினார்.
எங்களுக்கு முழுமையான ஆதரவு நல்கிய திருமதி மீரா, திரு. ரவி. திரு ஜுசர் ஆகியோருக்கும் மற்றும் இசை நடன ஆர்வளர்களுக்கும் எங்களின் நெஞ்சார்ந்த நன்றிகள்.
நடந்தேறிய இனிய நிகழ்விலிருந்து சில உண்ணதமான காட்சித் துளிகளை உங்களோடு பகிர்ந்து கொள்வதில் பேர் உவகை கொள்கிறோம்.
